బుల్లితెరపై యాంకర్‌గా నెంబర్ వన్ స్థానంలో ఉన్నారు. ఇంకా ఉంటారు. ఎప్పటికీ ఉండిపోతారు. ఎందుకంటే సుమకు ఉన్న సమయస్ఫూర్తి అలాంటిది. ఎలాంటి పరిస్థితిని అయినా అదుపులోకి తెచ్చి అక్కడ సందడి వాతావరణాన్ని ఏర్పరచగలరు. అలాంటి సుమ బుల్లితెరపై వినోద కార్యక్రమాలను సమర్దవంతంగా నడిపిస్తున్నారు. బుల్లితెర మీద షో అయినా , ప్రీ రిలీజ్ ఈవెంట్‌లు అయినా సరే సుమ ఉందంటే ఎంటర్టైన్మెంట్‌కు ఢోకా లేదని అంతా ఫిక్స్ అయిపోతారు. అలాంటి సుమ ఇప్పుడు దాదాపు టాప్ చానెల్స్ అన్నింట్లోనూ షోలు చేస్తూ బిజీగా ఉన్నారు. ఈటీవీలో స్టార్ మహిళా, క్యాష్ అని రచ్చ చేస్తుంటారు. ఇక స్టార్ మాలో స్టార్ట్ మ్యూజిక్ అని ప్రతీ ఆదివారం సందడి చేస్తున్నారు. ఇక జీ తెలుగులో బిగ్ సెలెబ్రిటీ చాలెంజ్ అని దూసుకుపోతోన్నారు. మాములూగా అయితే సుమ ఒక్కరే షోను నడిపిస్తుంటారు. కానీ ఈ సెలెబ్రిటీ చాలెంజ్ షోలో మాత్రం సుమతో పాటు కూడా దుమ్ములేపుతుంటారు. బిగ్ సెలెబ్రిటీ చాలెంజ్ షోలో ప్రతీవారం అతిథులను తీసుకొస్తుంటారు. అద్భుత విన్యాసాలు, సర్కస్ ఫీట్లు, డ్యాన్సులు, మ్యాజిక్ షోలు, వింతలు ఇలా అన్నింటిని చూపిస్తూ అతిథులను ఎంటర్టైన్ చేస్తుంటారు. మధ్యలో రవి, సుమ చేసే ఫన్ అందరినీ ఆకట్టుకుంటూ ఉంటుంది. రవిపై సుమ వేసే పంచ్‌లు, సెటైర్లు ఒక్కోసారి అవాక్కయ్యేలా చేస్తుంటాయి. డబుల్ మీనింగ్ డైలాగ్‌లతో వేసే పంచ్‌లు అందరినీ షాక్‌కు గురి చేస్తుంటాయి. తాజాగా ఓ టీం బిగ్ సెలెబ్రిటీ చాలెంజ్ షోలో రచ్చ చేసేందుకు వచ్చింది. ఈ కథలో పాత్రలు కల్పితం అంటూ గత నెలలో ఓ మూవీ వచ్చింది. ఈ సినిమా టీం, హీరో హీరోయిన్‌లతో పాటు రఘు బాబు కూడా షోకు గెస్ట్‌గా వచ్చారు. పవన్ తేజ్, మేఘన, రఘు బాబు అందరూ కలిసి షోలో సందడి చేశారు. ఇక ఈ మూవీతో హీరోయిన్‌గా పరిచయమైన మేఘన బుల్లితెర మీద యాంకర్‌గానూ దూసుకుపోతోన్నారు. రాజీవ్ కనకాల చేస్తోన్న రెచ్చిపోదాం బ్రదర్ షోలో మేఘన యాంకర్‌గా వ్యవహరిస్తున్నారు. అయితే ఈ మూవీకి సంబంధించి ఓ టాపిక్ మాట్లాడిన సుమ యాంకర్ రవి పరువు తీసేసింది. ముందు యాంకర్ రవి అందుకుని హీరో పవన్ తేజ్‌ను ఓ ప్రశ్న అడిగారు. మీరు ఫేస్ చేసిన ఛాలెంజ్ ఏదైనా ఉందా? అని రవి అడిగేశారు. రొమాంటిక్ సీన్స్ చేయడం కాస్త చాలెంజింగ్‌గా అనిపించింది అంటూ పవన్ తేజ్ కౌంటర్ వేశారు. ఆ వెంటనే రవి మళ్లీ అందుకుని మేఘనతో చేయడమా? అని మరో పంచ్ వేశారు. దీనికి మేఘన కాస్త గుర్రుగా చూశారు. ఇక చివరగా సుమ అందుకుని రవికి గట్టి పంచ్ వేసింది. హీరో పవన్ తేజ్‌ను ఉద్దేశించి సుమ మాట్లాడుతూ.. అరె అలాంటివి చేసే ముందు రవి దగ్గర ట్రైనింగ్ తీసుకోవచ్చు కదా? అని చెప్పడంతో అందరూ నవ్వేశారు. ఇక దాన్ని కవర్ చేసుకునేందుకు యాంకర్ రవి తంటాలు పడ్డారు. అలా చెబితే వీడు వేరే రకం సినిమాలు చేస్తున్నాడని అనుకుంటారంటూ రవి టాపిక్ డైవర్ట్ చేసేశారు. ఇక చివరగా ‘కర్చీఫ్ ఉందా?’ అంటూ మ్యాజిక్ చేసే వ్యక్తి రవిని అడిగాడు. హా ఉంది ఎప్పుడూ పెట్టుకుని ఉంటాను అని రవి బదులిచ్చారు. ఆ కామెంట్లకు సుమ కౌంటర్ వేశారు. ఎప్పుడూ కర్చీఫ్ వేస్తూనే ఉంటాడు అని పరువు తీసేశారు.
from Telugu Movie News | Movie News in Telugu | Movie Gossips in Telugu https://ift.tt/3sDgEqz
No comments:
Post a Comment
If you have any doubts, please let us know.